«АтырауЭнергосату» ЖШС Қазақстан Республикасының «Электр энергетикасы туралы» Заңына сай электрмен жабдықтау мақсатында электр энергиясын сатып алу қызметін жүзеге асырады. 

«АтырауЭнергосату» ЖШС Атырау облысының бөлшек сауда нарығындағы мәртебесі бойынша ол электр энергиясын тұтынушылардың барлығын кепілді энергиямен қамтамасыз ететін ұйым болып табылады.

«АтырауЭнергосату» ЖШС электр энергиясын өндірумен, жеткізумен айналыспайды және тиісінше өз теңгерімінде электр жабдықтары мен электр желілері жоқ.

Электрмен сенімді де үздіксіз жабдықтау қызметін қамтамасыз ету, тұтынушыларға қызмет көрсету сапасын арттыру – компанияның негізгі басымдығы болып табылады.

Атырау қаласы мен аудандардағы учаскелердегі сату тобының штатында  жұмыс жасайтын мамандар, қызметшілер мен жұмысшылар компанияның тиімді және сенімді қызмет етуін қамтамасыз етуде.